უძღები შვილი და მოყვარული მამა - მარადიული თემა, სანამ კაცობრიობა იარსებებს; ჯეკ ბაუთონიც უძღები შვილია, ოცი წლის შემდეგ დაუბრუნდა მშობლიურ სახლს თავშესაფრის ძიებაში და ტკივილით სავსე წარსულთან შესარიგებლად; ჯეკი, ბავშვობიდანვე უმართავი ბიჭი, ლოთი, ზოგჯერ ხელმრუდიც, ყველასა და ყველაფერზე გულაყრილი მამაკაცი... გამუდმებით კონფლიქტი აქვს თავის ტრადიციონალისტ მღვდელ მამასა და გარშემო მყოფებთან, თუმცა კი მაინც ოჯახის უსაყვარლესი შვილია. ძველებურად მომხიბლავი, თავისნათქვამა და გონიერი, ახლა ის ცხოვრების საზრისს ეძებს, ღმერთთან შერიგება სურს... და იმის ყველასთვის დამტკიცება, რომ არც ისეთი უვარგისია, როგორიც ყველას ჰგონია. მერილინ რობინსონის "შინ" ნიუ-იორკ თაიმსის 2008 წლის 100 ყველაზე ღირსშესანიშნავ წიგნს შორის მოხვდა, ხოლო ვაშინგტონ პოსტმა 2008 წლის საუკეთესო წიგნად დაასახელა.