ვასილ გულეური (დ. 19 აგვისტო 1971, გორი) — ქართველი საბავშვო მწერალი, მთარგმნელი. იაკობ გოგებაშვილის სახელობის საბავშვო და საყმაწვილო ლიტერატურული პრემიის ლაურეატი (2019; 2020; 2021); ლიტერატურული პრემია „საგურამოს“ ლაურეატი (2020); ასტრიდ ლინდგრენის საერთაშორისო პრემიის ნომინანტი (2018). 1995 წელს დაამთავრა საქართველოს ტექნიკური უნივერსიტეტის არქიტექტურის ინსტიტუტი. არის მედია ორგანიზაცია „გოუ ჯგუფის“ „კავკასიის ავტორთა სკოლის“ პირველი სასწავლო კურსის მონაწილე (2011). სხვადასხვა წლებში მუშაობდა კორესპონდენტად გაზეთებში „გორი“, „ახალი ეპოქა“, „ახალი ქართული გაზეთი“, „24 საათი“, 2003–2005 წლებში იყო „ხალხის გაზეთის“ რედაქტორი.