კრებულში თინათინ ბერიძის სამი მოთხრობა გელოდებათ. მიუხედავად იმისა, რომ სამივეს სათაურის „ხასიათი"" აერთიანებს, თითოეული მაინც სრულიად დამოუკიდებელი და განსხვავებული ამბავია. როგორი შეიძლება იყოს პასუხი? საერთოდ, ალბათ ბევრნაირი, მაგრამ მისი შინაარსი ძირითადად მაინც არის „კი"" ან „არა"" და ყველა დანარჩენი თანხმობისა და უარყოფის განვრცობა ან განმარტებაა. ამ მოთხრობებიდან კარგად ჩანს, თუ როგორ განსაზღვრავს ადამიანის ბედს ცხოვრების საბედისწერო, გადამწყვეტ მომენტში მიღებული ან გაცემული პასუხები, როგორ გვმატებს მათი შინაარსი ძალას ან გვართმევს იმედს. და მაინც, ერთმნიშვნელოვნად ვერავინ იტყვის, რომ პასუხი „დადებითი"" მხოლოდ სასიკეთოა, ხოლო პასუხი „უარყოფითი"" - მხოლოდ უარი და დასასრული... ანდა პირიქით.