ედვარდ მუნკი (1863-1944), მხატვარი, რომელიც ერთ-ერთ ყველაზე გავლენიან არტისტად აღიარეს XX საუკუნის მღელვარე გარიჟრაჟზე და რომელიც სახვითი ხელოვნების ძირეული ცვლილებების ფუძემდებლად მოგვევლინა. რთული და წინააღმდეგობრივი ხასიათის, ნევროზული და თითქოს ქალთმოძულე მხატვარი ემოციური თვითგამოხატვის გზით შეეცადა შეწინააღმდეგებოდა გაბატონებულ სახელოვნებო მიმდინარეობებს და ბევრად უფრო სიცოცხლისუნარიანი ალტერნატიული ფორმებისთვის დაედო სათავე. საკუთარ შემოქმედებით სამყაროში გამოკეტილმა, ჩვენთვის მიუწვდომელი გზითა და ხერხებით, გაარღვია შინაგანი საზღვრები და ვნებებითა და ტანჯვით გაჯერებული შედევრები შექმნა. ბოლოს კი თქვა: ”ვერასოდეს მიხვდებით, რომ ეს ფერწერული ტილოები... უძილო ღამეების ნაყოფია, სისხლისა და ნერვული აშლილობის ფასად რომ დამიჯდა“.