"„ბრალდების მოწმე და სხვა მოთხრობები“ აგათა კრისტის მოთხრობების კრებულია და პირველად 1948 წელს, აშშ-ში გამოქვეყნდა. მკითხველის საყვარელი მაძებარი, სახელგანთქმული ერკიულ პუარო, რომელიც „დეტექტივების დედოფლის“ არაერთი დეტექტივის მთავარი გმირია, კრებულში მხოლოდ ერთ მოთხრობაში („მეორე გონგი“) გვხვდება. წიგნში თავმოყრილ ყველა მოთხრობას საოცარი დასასრული აქვს. დაძაბული სიუჟეტი, ხიფათის წინათგრძნობა და დანაშაული, ერთმანეთს გადაჯაჭვული ფანტასტიკა და რეალობა, მატერიალისტებისა და მისტიკოსების გაუთავებელი პაექრობა თემაზე, რა არის სული და რა შეუძლია მას, მკითხველს უმძაფრებს ინტერესს, გაიგოს, ეს გათამაშებაა თუ მართლაც ფანტასტიკა და ვინ არის დამნაშავე. და, როგორც ყოველთვის, ლედი აგათა ჩვეულებას არ ღალატობს _ ის ამჯერადაც ოსტატურად ახერხებს მკითხველის გაცურებას."

მოუსმინე აუდიოს