პალიტრა L-ის საიტზე ფრედერკ ბეგბედერის წიგნებზე განსაკუთრებული ფასდაკლება გელოდებათ

პალიტრა L-ის საიტზე ფრედერკ ბეგბედერის წიგნებზე განსაკუთრებული ფასდაკლება გელოდებათ

„მე იმას ვაკეთებ, რაც მომწონს, და ეს საუკეთესოა. ადამიანების უმეტესობას ისეთი სამსახური აქვს, რომელსაც ვერ იტანს, მე კი მთელი დღე ვერთობი - ძალიან გამიმართლა,“  - ამბობს ფრანგი მწერალი, მემუარისტი, კინორეჟისორი და რედაქტორი

ფრედერიკ ბეგბედერი.

ბეგბედერმა თავისი პირველი რომანი, „შეშლილი ახალგაზრდის მემუარები“ 1990 წელს გამოაქვეყნა. ამის შემდეგ ის ერთ-ერთი დიდი სარეკლამო სააგენტოს რედაქტორი გახდა.

ქართველი მკითხველებისთვის ბეგბედერის ნაწარმოებები უცხო სულაც არ არის. გამომცემლობა “პალიტრა L-ის” მიერ ბეგბედერის საკმაოდ ბევრი ნაწარმოებია ნათარგმნი, რომელთაგანაც ყველაზე დიდი პოპულარობით როგორც საქართველოში, ისე მის საღვრებს გარეთ  “99 ფრანკი” სარგებლობს.

ამ წიგნით ბეგბედერმა ყურადღება 2000 წელს მიიქცია, ბეგბედერი ცინიკურად აღწერს იმ გამოჩენილ ადამიანთა ზღვარგადასულ სიმდიდრეს, რომელთაც კეთილდღეობა დანარჩენი მსოფლიოს უბედურებისა და სულიერი გაღატაკების ხარჯზე მოიპოვეს.

წიგნში ავტორის პირადი გამოცდილებებია მოთხრობილი და ფარდა აქვს ახდილი სარეკლამო სფეროს შიდა სამზარეულოს. ნაწარმოების გამოსვლიდან ცოტა ხანში ავტორი სარეკლამო სააგენტოდან დაითხოვეს. 2007 წელს „99 ფრანკის“ მიხედვით შექმნილი კინოფილმიც გამოვიდა, რომლის რეჟისორი ჟან კუნენია. ფილმში მცირე ეპიზოდურ როლს ბეგბედერიც ასრულებს.

თუ ჯერ კიდევ არ შეგიხედავთ ბეგბედერის ნაწარმოებების სამყაროში, ახლა კარგი დროა ამისთვის – “პალიტრა L-ის” ვებგვერდზე ბეგბედერის წიგნებზე განსაკუთრებული ფასდაკლება მოქმედებს. თქვენ შეგიძლიათ შეიძინოთ მისი ცნობილი ნამუშევრები, როგორიცაა „ფრანგული რომანი“ და „99 ფრანკი,“ და პირადად გამოიკვლიოთ თანამედროვე სამყაროს წინააღმდეგობრივი მხარეები ბეგბედერის თვალით.