მარგარეტ მიჩელი (ინგლ. Margaret Munnerlyn Mitchell; დ. 8 ნოემბერი, 1900 — გ. 16 აგვისტო, 1949) — ამერიკელი მწერალი, ყველაზე უკეთ ცნობილი როგორც რომანი-ბესტსელერის „ქარწაღებულნი“ ავტორი. ამ რომანისთვის, რომელიც 1936 წელს გამოქვეყნდა, 1937 წელს დაჯილდოვდა პულიცერის პრემიით. რომანის ამერიკული კინოადაპტაცია (1939) ჰოლივუდის ისტორიაში ყველაზე მოგებიანი ფილმი გახდა და რეკორდული რაოდენობის კინოაკადემიის ოსკარი აქვს მიღებული.