ნინო გაბელაშვილი, 33 წლის. დავიბადე და გავიზარდე ქალაქ ქუთაისში, ამჟამად ვცხოვრობ ქ. თბილისში. წერა ჩემი ჩემი ცხოვრების განუყოფელი ნაწილია, მყუდრო სავარძელი, კალამი და ცარიელი ფურცელი, ის ადგილია სადაც თავს ნირვანაში ვგრძნობ, თუმცა ვთვლი, რომ საუკეთესო მწერალი თავად ცხოვრებაა. მაქვს Facebook გვერდი https://www.facebook.com/anotherfragrance.anotherfragrance?mibextid=LQQJ4d

„გულსა და გონებას შორის“ სადაც ვაქვეყნებ ჩანახატებს და ამონარიდებს საკუთარი ნაწარმოებებიდან. ასევე, მაქვს დაბეჭდილი ამავე სახელწოდების „გულსა და გონებას შორის“ რომანი (მცირე ტირაჟით), რომელმაც მკითხველის საკმაო სიყვარული დაიმსახურა.

ნაწარმოებში მოთხრობილია რეალურ ამბავზე დაყრდნობით და ავტორის ინტერპრეტირებით გადმოცემული, ორი სრულიად განსხვავებული ქალის ისტორია. საკუთარი თავის ძიებაში გაფანტული წლები და შეცდომების დაშვების შიშით დაშვებული ერთი დიდი შეცდომა, რასაც საკუთარი ცხოვრება ქვია. რა შეიძლება აერთიანებდეს ამ ორ ერთმანეთისთვის უცხო ადამიანს, როგორია იყო ძლიერი ქალი და მარტოხელა დედა? რამდენად რთულია გაიაზრო და მიიღო ფაქტი, რომ ხარ ძალადობის მსხვერპლი და შეძლო ხმამაღლა საუბარი, დაბოლოს, მუდამ იბრძოდე ბედნიერებისთვის, რომელიც ცაში მოფარფატე თეთრი პეპლებივით გისხლტებიან ხელიდან...