მე, ნათია დოჭვირი დავიბადე 1986 წლის 10 აგვისტოს, ქალაქ ბათუმში. მონიჭებული მაქვს იურისტის მაგისტრის აკადემიური ხარისხი. 2008 წლიდან დასაქმებული ვარ აჭარის ავტონომიური რესპუბლიკის განათლების, კულტურისა და სპორტის სამინისტროში.

მყავს მეუღლე და ორი შვილი.

პირადი ნამუშევრები ამ დრომდე არ გამომიქვეყნებია.

რომანი ,,ათინათი’’ ფანტასტიკის ჟანრის ელემენტებს შეიცავს. ნაწარმოებში მოთხრობილია ადამიანის გარდასახვის საოცარი ისტორია. პერსონაჟს შესაძლებლობა ეძლება გარეთა თვალით შეისწავლოს და შეიმეცნოს საკუთარი თავი. რომანი გაჯერებულია ასევე, სამყაროს შეცვლის მცდელობებითა და ემპათიის მომგვრელი სცენებით.

წიგნის მთავარი პერსონაჟი, ორმოც წელს გადაცილებული ქალია. მისი ცხოვრება მას შემდეგ იცვლება, რაც აღმოაჩენს სხეულიდან გასვლის ფაქტს.