დავიბადე სამეგრელოში. დავამთავრე თბილისის ივ. ჯავახიშვილის სახელობის სახ. უნივერსიტეტი. გარკვეული წლები ვიმუშავე შ/ს სამინისტროს სისტემაში კრიმინალური განხრით . მივიღე გარკვეული პრაქტიკა ოპერატიული საქმიანობაში ,რაც შემდგომ გამომადგა დეტექტური სერიალის „ გამომძიებელი ქალი შორენას .“ შექმნაში. (16 რომანი.) ეს სერიალი გამოიცა დიდი ტირაჟებითა და საკმაო ინტერესით მიიღო მკითხველმა.

    ძირითადად ვეწევი პედაგოგიურ საქმიანობას .საკუთარი სახსრებით გამოვეცი მივიწყებული პოეტის, გ. ჭალადიდების  ლექსების კრებული „ რჩეული “ . ვაქვეყნებ  საგაზეთო წერილებს სხვადასხვა საკითხებზე .

     ვარ  მშობლიური სენაკის საპატიო მოქალაქე.

     მყავს ოჯახი. მეუღლე და ორი შვილი.

ორნაწილიან დეტექტურ რომანში „ თავხედი პოლიციელი “ მოთხრობილია  ახალგაზრდა პოლიციელის რისკიანი და ფათერაკებიანი მოქმედებები თბილისში ფარულად მოქმედი სერიული მკვლელობის მონაწილეთა მხილების საქმეში. ალღო, თამამი და თავხედური ქცევები სჭირდება ხიფათიანი გზის გასაკვლევად, როცა ის საშიშ დამნაშავეთა ,, ბუნაგში “ აღმოჩნდება. რომ არა საზრიანი ჟურნალისტი ქალის აქტიური მხარდაჭერა ვერ მოახერხებდა მიზნის მიღწევას.

   პოლიციელისა და ჟურნალისტი ქალის ერთობლივი, გააზრებული ქმედებები , მათი ლაღი და მშვენიერი ურთიერთდამოკიდებულება ქმნის ნაწარმოებს საოცრად საინტერესოსა და მიმზიდველს.

 მეორე ნაწილში იგივე პოლიციელის პროფესიონალური და გააზრებული ქმედებებია მოთხრობი , მოულოდნელი პირადი ცხოვრების წარსულთან შერწყმული.

   დეტექტური რომანი გახლავთ  სახიფათო და რომანტიკული მოვლენების ერთობლიობა. ქალისა და მამაკაცის ფიქრი და განცდა სამართლიანობამ იზეიმოს.