გამარჯობა, მე მანანა ებანოიძე ვარ, 25 წლის. გავიზარდე ზესტაფონის რაიონში, ამჟამად კი თბილისში ვცხოვრობ. ბავშვობიდან მიყვარს წერა, მაგრამ ჩანაწერებს გასულ წლამდე თითქმის არასდროს არავის ვუზიარებდი. შარშან ამ კონკურსში უკვე ვცადე ბედი. ვნახეოთ წელს როგორ განვითარდება მოვლენები. 

რომანი „ამბავი ყვითელ ფოთლებზე“ მოგვითხრობს ორი განსხვავებული გოგონას მეგობრობის შესახებ. პერფექციონისტმა მარიამმა აღმოაჩინა რომ მოსაწყენი ცხოვრება აქვს, მაგრამ ბედმა გიჟი მხატვარი, ლილითი, გააცნო, რომელმაც დაარწმუნა რომ შეცდომების დასაშვებად არასდროსაა გვიან. ეს არის ამბავი შემოდგომაზე, შიშების დაძლევაზე, მეგობრობასა და ცოტათი სიყვარულზე.