·       მე ლევან ცაავა ვარ, 21 წლის სტუდენტი გორიდან. ვცხოვრობ დედასთან და სამ ძმასთან ერთად. ამჟამად ვსწავლობ იურიდიულ ფაკულტეტზე, თუმცა ძალიან დაინტერესებული ვარ ფსიქოლოგიით და მომავალში სწავლის გაგრძელებას ამ მიმართულებით ვაპირებ. პატარა ასაკშივე დავინტერესდი ჯერ კითხვით, შემდეგ კი წერითა და მხატვრობით. პირველი ნაწარმოები მე-8 კლასში დავწერე. ბებიის წყალობით ბავშვობიდანვე გავეცანი მსოფლიო კლასიკას შექსპირის, დოსტოევსკისა და სხვა ლეგენდარული მწერლების სახით. ბაბუისგან კი კლასიკური როკის სიყვარული გამომყვა. მან შემაყვარა ისეთი ბენდები, როგორიცაა ქვინი, ლედ ზეპელინი, ეისი დისი და სხვა. ასევე ვუსმენ მსუბუქ ჯაზსა და ბლუზს.  

·       მოთხრობების კრებულში მოიცავს ნაწარმოებებს, რომლებიც წარმოგვიდგენენ ავტორის თვალით დანახულ ადამიანის დაფარულ მხარეებს. ეს არის სხვა თვალით დანახული სილამაზის, სიკვდილის ან სხვა უსასრულო, განუსაზღვრელი და ადამიანისთვის შეუცნობელი ასპექტების აღწერა. მკითხველი თითოეულ მათგანში იპოვის რაღაც ხელმოსაჭიდს, რაც მას შეაშინებს ან მორალურ ასპექტებზე დააფიქრებს.